Salero Sarakah

Urban. Urang kampuang pai kakota.

?Pindah? Sabanta!?

?Taraso lamak, inyo tingggakan kampuang.?

?Kampuang nan agraris tu??

?Iyo!?

?Di ma pulo nagari kampuang awak nan lah punyo industri.?

?Jo salero agraris tu, inyo pai marantau.?

?Ari baik, bulan baik, inyo pulang kampuang.?

Manarangi kuburan ayah, amai, jo pamili sadonyo. Basalam-salam. Karano ka masuak puaso. Malapeh taragak. Bernostalgia. Mangana-ngana maso ramaja, bagubalo kabau jo bantiang. Lalok di surau. Kini indak ado urang mudo-mudo lalok di surau lai! Rumah indak bagonjong doh! Alah ado rumah untuak urang mudo lalok, baik nan tingga di kampuang, juo nan pai marantau.

?Kota??

?Indak ado kota industri di nagari awak!?

?Paling-paling ado industri simin jo batubaro nan lah baumua sa abad tu!?

?Manga di kota??

?Mamburuh lapeh. Karajo tukang-tukang ketek. Tukang kacau kapua. Tukang kacau simin jo kasiak.?

?Wartawan??

?Lai juo. Wartawan otodidak. Wartawan ba bakat alam. Barajo sorang. Suko tiarap katika badia malatuih. Kutiko angin kareh, inyo sarupo pimpiang di ateh bukik. Suko malenggok. Kiri kanan. Kanan kiri!?

?Ado jua nan manjadi jurutulih gadang tinta.?

?Tapi badasi. Baretong duo tambah duo acok sasek! Rumah rancak. Pai kakantua baoto plat merah. Pulang baoto plat merah. Tamasuak bininyo pai ka pasa, jo ma antakan anak sikola jo oto kantua.?

?Kok salero, ba-a??

?Salero jan dikatokan lai! Inyo lapehkan salero buruaknyo. Sarakah! Oto pribadi di rumahnyo nan gadang ba alaman laweh banyak. Tapi, lai inyo baia pajak??

?Kutiko ka mambaia pajak, inyo jadi bansaik. Inyo biaso pangicuah! Paduto!?

?Paga rumahnyo tinggi. Labaih duo meter.?

?Sajak jadi urang kota, inyo alah panakuik ka dimaliang. Alun lai, ado pulo anjiang Herder di rumahnyo. Di alaman tatulih: ?Ado anjiang?

?Manga Parewa!?

?Malamuun!?

Bulan September 1961 kini. Kolonel Dahlan Djambek (Pak DD) jo surang pangiringnyo mati ditembak pasukan paleton ?Combat? nan banyak PKI-nyo, di musajiak kampuang Simawang, Lariang, Aiekijang, Kecamatan Tilatangkamang.

Parewa pernah mancaliak revolver putiah, Al-Quran baaso Inggrih di satu tampek Bukiktinggi. Babarapo bulan kudian, revolver 3,8 dibingkai putiah jo al Quran Inggrih tarjamahan Yusuf Ali itu, bajudul ?Holly Quran?. Tigo puluah taun kamudian, Parewa mambali pulo al Quran tarjamahan Yusuf Ali baaso Inggrih itu. Parewa mancintoinyo, karano puisi-puisinyo nan lambuik sarupo ditarjamahkan oleh HB. Jassin, jadi ?Bacaan Mulia?.



reff : http://cimeeh.blogspot.com/2013/10/salero-sarakah.html

Video yang berkaitan dengan Salero Sarakah